Monday, July 18, 2011

നല്ല കൊടംപുളിയിട്ടു വച്ച മീന്‍കറിപോലെ ഒരു സിനിമ

എന്റെ ഓഫീസ് നില്‍ക്കുന്ന മാളിന് കീഴേയുള്ള സൂപ്പര്‍മാര്‍ക്കറ്റിലെ പച്ചക്കറികള്‍ എന്നും എനിക്കൊരു ദൗര്‍ബല്യമാണ്. അതു പോലെ തന്നെ ഹോസ്റ്റലിലേക്കുള്ള വഴിയിലുള്ള വലിയങ്ങാടിയിലെ ഉന്തുവണ്ടികളിലെ ചുവന്നചീരയും, വെണ്ടക്കായും ഒക്കെ സ്വന്തമായ് ഒരു അടുക്കളയുണ്ടാക്കുന്നതിന് എന്നെ പ്രലോഭിപ്പിച്ചുകൊണ്ടേയിരിക്കുന്ന വസ്തുതകളാണ്.

നമ്മളിലെല്ലാവരിലും ഒരു കാളിദാസനും മായയും ഉണ്ട്. ആര്യഭവനിലെ മെരിഞ്ഞ വടയ്ക്കു മുന്നിലിരിക്കുമ്പോള്‍ അല്ലെങ്കില്‍ വര്‍ക്കീസിലെ ഇലയടയ്ക്കു വേണ്ടി ക്യൂ നില്‍ക്കുമ്പോള്‍, അതുമല്ലെങ്കില്‍ ദേശാഭിമാനി കാന്റീനിലെ വെള്ളപ്പവും ബീഫ് കറിയും സ്വാദോടെ നുണഞ്ഞിറക്കുമ്പോള്‍, പിന്നെ ചായയുംകൊണ്ട് ബീരാന്‍ക്ക വരുന്നതും കാത്തിരിക്കുമ്പോള്‍ ഒക്കെ നാം കളിദാസനും മായയുമായി മാറുന്നു.

ആഷിഖ് അബുവിന്റെ സാള്‍ട്ട് & പെപ്പര്‍ അടിപൊളി രസക്കൂട്ടാണ്. നല്ല കൊടംപുളിയിട്ടു വച്ച മീന്‍കറിപോലെ എന്തോ ഒന്ന്. അത് കൊണ്ടു വരുന്നത് രസങ്ങളുടെ ഒന്നാന്തരം ഗൃഹാതുരതായാണ്. പ്രത്യേകിച്ചും വീടും നാടും വിട്ടുനില്‍ക്കുന്ന എന്നെ പോലുള്ള, ഹോസ്റ്റല്‍ ഭക്ഷണം മാത്രം കഴിക്കാന്‍ വിധിക്കപ്പെട്ടവര്‍ക്ക്.

സിനിമയുടെ ആദ്യം മുതല്‍ അവസാനം വരെ എന്റെ മനസ്സില്‍ നിറഞ്ഞു നിന്ന ഒരേയൊരു ചിന്ത നല്ല പുളിയുള്ള മീന്‍കറി കൂട്ടി ചോറുണ്ണണം എന്നായിരുന്നു. കൂടെ ഒരു പപ്പടവും. സനിമയുടെ ഇടവേളയില്‍ ഹാളിലുള്ള എല്ലാവരും പുറത്തേക്കോടി, എല്ലാവര്‍ക്കും എന്തെങ്കിലും വേണം കൊറിക്കാന്‍.

ഈ സിനിമയും നല്ലൊരു വിഭവം പോലെത്തനെ പാകത്തിനു ചേരുവകള്‍ ചേര്‍ന്നതാണ്. മൈഥിലിയും ആസിഫ് അലിയും മധുരമാണെങ്കില്‍ ശ്വേത പുളിയാണ്, ലാല്‍ എരിവും. ഏതൊരു വിഭവത്തിന്റെയും രസക്കൂട്ടായ ഉപ്പിന്റെ സ്ഥാനമാണ് ഇതില്‍ ബാബുരാജിന്.

ഒരു കടുകുവറയുടെ സുഖമുണ്ട് ആസിഫിന്റെ സാന്നിധ്യത്തിന്. മിറാഷ് എന്ന കഥാപാത്രം തീര്‍ത്തും അനാവശ്യമാണെന്നുതോന്നിപ്പോകും, ഈ അവിയലില്‍ ബീറ്റ്‌റൂട്ട്്, തക്കാളി, എന്നിവപോലെ പോലെ. പക്ഷെ ഇട്ടു എന്നു കരുതി കുഴപ്പമൊന്നുമില്ല. ബോളിവുഡ് സിനിമകളില്‍ നിന്ന് ഒരു ചെറിയ കോപ്പിയടി(3 ഇഡിയറ്റ്‌സ്) അത് ക്ഷമിച്ചിരിക്കുന്നു.

ജീവിതത്തിന്റെ വിവിധ ഘട്ടങ്ങളില്‍ എനിക്കും എന്റെ സുഹൃത്തുക്കള്‍ക്കും തോന്നിയതൊക്കെ മായക്കും തോന്നുന്നു. ചൊവ്വാദേഷം, പ്രേമം, പ്രേമനൈരാശ്യം, ഫെമിനിസം, ''അറ്റ്‌ലീസ്റ്റ് ശബ്ദം മാത്രമുള്ള അനൗണ്‍സര്‍...ജലസീ, കൂടാതെ ഒക്കേഷനലി ഫിറ്റും.

ചൊവ്വദോഷമൊക്കെയുള്ള പെണ്ണിന് വിവാഹമാര്‍ക്കറ്റില്‍ സ്ഥാനമില്ലെന്ന അര്‍ത്ഥം സിനിമയിലുണ്ടെങ്കിലും അതുതന്നെയാണ് വാസ്തവം എന്നു പറയാതെ വയ്യ. ഒരു പ്രായം കടന്നാല്‍ പറയാതിരിക്കുന്നതാണ് ഭേദം. ഇതിലെ നായകന്റെ കാര്യം പ്രത്യേകം സൂചിപ്പിക്കേണ്ടിയിരിക്കുന്നു. അയാള്‍ പ്രായമുള്ളയാളാണ്. അയാള്‍ക്ക് പെണ്ണുകണ്ട പെണ്‍കുട്ടിയെ കെട്ടാന്‍ യാതൊരു പ്രായസവുമില്ല. കാരണം അയാള്‍ സര്‍ക്കാര്‍ ഉദ്യോഗസ്ഥനാണ് പ്രായം പ്രശ്‌നമാകുന്നില്ല. എന്നിട്ടും അയാള്‍ കുക്കിനെ അടിച്ചുമാറ്റുന്നു. ചിത്രത്തിലെ ഏറ്റവും മനോഹരവും ആഹ്ലാദവും ഉണ്ടാക്കുന്ന സീനായിരുന്നു അത്.

തീര്‍ച്ചയായും ഡയലര്‍ ടോണാക്കാന്‍ പറ്റുന്ന മനോഹരമായ രണ്ടു പാട്ടുകള്‍ ആര്‍ക്കും ഇഷ്ടമാവും.

Rating 7/10

Photo: Google Search

7 comments:

Sudeep said...

Yes it was yummy overall (concept, execution both). One could smell the freshness. It hardly had any 'story' but it held the viewer's interest almost throughout the film. I'd have rated it a great film if it avoided:

1. The repeated laments about a woman's life being incomplete without a man,

2. The scene where the husband lifts the burqa and says "shubanallah" (I found the first burqa scene funny), and

3. The song scene in the second half -- it was plain boring to me.

I'd still rate it the best Malayalam film to have come out this year. Above Adaminte Makan Abu and Traffic.

(My friend Rajeev later told me the first Burkha sequence in this film was 'inspired' from Marai Porul, a Tamil short film by Pon. Sudha.)

rahman said...

സിനിമ ഞാന്‍ കണ്ടിട്ടില്ല. അതു കൊണ്ട് നീ പറഞ്ഞതൊക്കെ നേരാണോന്നും അറിയില്ല....
ഏതായാലും വീട്ടില്‍ വന്നാല്‍ നല്ല ഉടമ്പുളിയിട്ട മീന്‍കറിയും തുമ്പപ്പൂ ചോറും ഉണ്ടാക്കിത്തരാം... ഒരു പപ്പടവും... പിന്നെ ഉപ്പേരിയും.... നല്ല മാങ്ങ ഉപ്പിലിട്ടതും.....
പോരെ...

Typed with the Middle Finger said...

gonna watch the movie at any cost

Lalshibin said...

മലയാള സിനിമയ്ക്ക് വീണ്ടും വസന്ത കാലം വരുന്നു എന്ന തോന്നുന്നു .... പടം കണ്ടു . ഇഷ്ടമായി ....

കുമാരന്‍ | kumaran said...

കൊള്ളാം നല്ല എഴുത്ത്.

E A Bakkar said...

oru valicha meencurry thalayil veena anubhavam undavum chappa kurish kandal mathi ,nalu divasamenkilum nattam nilkkum

ikroos said...

okke nhan sahichu aasifine ninakku patteelenki nee poyi pani nokkedey aa mirashinte scenukal ethenkilum bore undo? pinnenthe angane paranhe? athilere bore ulla ethra potta SAHAnayakanmare nammal Sahichirikkunnoooooo Enikkuvendi shemi....pinne ninte kothi enikku nalla parijayamundallo. nee thattilkutty dosa kazhichittillallo? undo (nammude pillaiz snackzinte karyam thanne )